TRIBALLI vulgo BULGARI

TRIBALLI, vulgo BULGARI

populi Mysiae inferioris testib. Nicephorô et Laonicô, cum Lazio et aliis quorum regio Bulgaria.

In his feruntur fuisse qui visu fascinabant, et interimebant, quos irati diutius et fixis oculis aspexissent, teste Pliniô. Hos Steph. in Illyrico perperam ponit. Horum Duces Crales et Ungleses, Amurathes Turcarum Imperator vicit. A. C. 1359. tandem in pugna cum Triballis sive Serviis a servo Lazeri Despotae, transfugô simulatô, interfectus: A. C. 1388. cuius fil. Baiazetes postea, Iacupe fratre strangulatô, Lazarum vicit, cepit, et in frustra discidit. A. C. 1390. Vide Laonic. l. 2. et 3. Leonclav. in Amurathe et Baiazete, etc.